Temur Davlatov sport bilan shugʼullanadi. Uning otasi Xavfsizlik xizmati xodimi boʼlib, Аfgʼonistonda xizmat vazifasini bajarish chogʼida u bilan aloqa uzilib qoladi. Uni vahshiy terrorchi Husayn qoʼlida deb, tamin qilishadi. Otasi oʼz ishiga sadoqati tufayli, Temur va uning onasiga koʼp vaqt ajrata olmagan. Temurning oʼzi ham voyaga yetgach, kuchli sportchi boʼlib, pulga qonun-qoidasiz janglarda qatnashib turadi. Otasi bilan yuqoridagi holat sodir boʼlgach, otasining hamkablaridan biri, Temurga otasini qutqarishi kerakligini tushuntiradi. Temur ham katta xavfni oʼz boʼyniga olib, otasini qutqarishga rozi boʼladi. Bu vaqtda uning otasini qoʼlga tushirgan deb, gumon qilinayotgan Husayn ismli terrorchining oʼgʼli Xoliq Oʼzbekistonda qamoqda edi. Xoliq Razzoqov aslida Husayn ismli terrorchining oʼgʼli boʼlib, Husaynning asl ismi-familiyasi Qosim Razzoqov edi. Shunda Temurni ataylab jinoyat qilgan, deb qamoqqa Holiqning yoniga kirgazishadi. Temur qamoqda uning hayotini saqlab qoladi. Soʼng, ikkovi birga qamoqdan qochib, chegaradan oʼtib Аfgʼonistonga yoʼl olishadi. Temur u yerda oʼzini nimalar kutayotganligini bilmasdi... U otasini qutqara oladimi?