Nodirbek ota-onasidan yetim qolgan va bir oʼzi yashaydi. Opasi va pochchasi undan xabar olib turishadi. Nodirbek Аziza ismli qizni sevadi va uni xorijga kuzatib qoladi. Bu vaqtda uning bir loyihasi katta kompaniya rahbariga maʼqul boʼlib, uni oʼz kompaniyasiga ishga oʼtishni va loyihani pul evaziga unga berishni taklif etadi. Nodir rozi boʼlmaydi. Oʼsha kuni u tasodifan mashinasini simyogʼochga urib, qonga belangan holda uyga qaytadi va opasini qoʼrqitib yuboradi. Shundan soʼng, u 2 hafta uydan chiqmaydi. Dunyoqarashi butkul oʼzgarib, raqs va karatega qiziqib qoladi. Bu orada Аziza xorijdan qaytadi. Nodirbek u bilan koʼrishadi va ikkovi garov oʼynashadi. U Аzizaga boʼlgan muhabbatini oshkor qiladimi? Uning raqobatbardosh yangi loyihasi amalga oshadimi? Nodirbekni oldinda nimalar kutyapti?