Qimmatxon opaning 4 ta qizi bor. 3 ta qizini uzatgan va 3 ta kuyovi ham bor. Uning umr yoʼldoshi bir umr novvoylik qilgan boʼlib, uning vafotidan soʼng, kasbini hech kim davom ettirmayotgani Qimmatxon opani tashvishga soladi. U avvaliga kuyovlariga, katta hovlisiga koʼchib kelib, qaynotasining ishini davom ettirishni taklif qiladi. Аmmo, ular rozi boʼlishmaydi. Shunda qoʼshnisi Risolat opa unga oʼzining uzoq bir talaba qarindoshini tavsiya qilib, “tandirlaringizdan foydalanib, non yopib, tirikchilik qilsin” deydi. Qimmatxon opa rozi boʼladi. Sardor juda uquvli novvoy boʼlib, tez orada yopgan patirlari va somsalari hammaga maʼqul boʼla boshlaydi. Qimmatxon opaning kichik qizi Muqaddas ham unga koʼngil qoʼyadi. Bu esa, kutilmaganda uning kuyovlarini tashvishga soladi. “Sardor Muqaddasga uylansa, hovli-joyga ega boʼladi-ku” deb, shoshib qolishadi. Ular ham shoshilinch novvoylikni oʼrganish uchun, Qimmatxon opanikiga yugurib kelishadi. Kuyovlarning maqsadi nima oʼzi? Sardor-chi? U Muqaddasga uylansa, ichkuyov boʼlishini biladimi? Uning ota-onasi bunga koʼnisharmikan?