Ilhom Аbrorovich oʼz ishiga talabchan va masʼuliyatli, badavlat tadbirkor. Аzbaroyi ishga berilganidan oʼz sogʼligʼi haqida oʼylamay, 2 marta infarktni boshdan kechiradi. Uning 2 ta farzandi bor, oʼgʼli Dilshod va qizi Sarvinoz. Dilshod ota izidan borib, uning ishlarini davom ettirishga shay boʼlsa, qizi Sarvinoz esa, mashhur xonanda boʼlishni istaydi. U studiyada bir necha qoʼshiqlar yozadi. Ilhom Аbrorovich esa, yolgʼiz qizining toʼyini koʼrish orzusida, uni qadrdoni Normat akaning Yuridik institutda tahsil olayotgan oʼgʼli Odilga uzatmoqchi boʼladi. Аmmo, Sarvinoz bunga rozi boʼladimi? Odil-chi? U Sarvinozning koʼngliga yoʼl topa oladimi? Bu yoqda Odilning kursdoshi Zuhra va uning dugonasi Nargizni ham, Odilda koʼngli bor edi. Bu qizlar uni osongina Sarvinozga uylanib ketishiga qanday qarashar ekan?