Аnvar bobo Yaypanning keksa otaxoni! U har kech bolajonlarga qovun-tarvuz ulashadi. Hammani yaxshilikka undaydi. Yaypanga koʼplab shaharliklar kelishadi va u yerdagi mehr-oqibat toʼla muhitdan bahra olishadi. Аnvar boboning qarindoshi Bahodir ham unikiga koʼp keladi. Bahodirning rassom doʼsti Gʼolib esa, giyohvandlikdan qutilishga astoydil harakat qilib, dispanserda ham davolanib chiqadi. Bahodir uni tezroq bu illatdan qutilishi va chalgʼishi uchun Аnvar bobonikiga olib keladi. Аnvar bobo bundan xursand boʼladi. Ikki doʼst kunlardan bir kuni tasodifan, bu hududga giyohvand moddalar olib kirayotgan toʼdadan xabar topishadi. Gʼolib Ichki ishlar boʼlimiga xabar qilish uchun yuguradi. Bahodir esa, toʼdani chalgʼitish uchun oʼsha yerda qoladi. Toʼda aʼzolari esa, allaqachon ulardan xabar topgan Аnvar boboni qoʼlga tushirgan edilar. Аnvar bobo ularning qoʼlidan qutiladimi? Toʼda aʼzolari qoʼlga olinadimi? Bahodir va Gʼolibning taqdiri qanday kechadi?