Nasiba jazo muddatini oʼtab, qamoqdan ozodlikka chiqib, uyiga kelganida, eri Аnvar allaqachon yaqin dugonasi Charosga uylanib olgan edi. Uning farzandlarini ham Charos tarbiya qilayotgandi. Nasibani ozodlikka chiqib, uyga qaytganiga onasi, yaqinlari va dugonasi Margʼuba opa quvonishadi. Аmmo, eri Аnvar farzandlarini unga bermaydi, faqat koʼrishib turishiga ruxsat beradi xolos. Taqdirning achchiq zarbasiga uchragan ayolga, dugonasining xiyonati, hamda erining bevafoligi, zarba ustiga zarba boʼladi. Nasiba endi qanday yoʼl tutadi? U yana qayta oyoqqa tura oladimi? Ozodlikdagi hayotda bu ayolni yana qanday sinovlar kutyapti?