Zilola qaynonasi Dilbar opani hurmat qilmaydi. Erini onasiga qarshi qayrab, asabbuzarlik qilaveradi. Dilbar opa bir kuni uyiga kelib qolgan loʼli ayolga bu holatni aytib, dardlashadi. Loʼli ayol unga bir dori berib, keliniga ichirish kerakligini aytadi. Zilola dorini ichib, uygʼonganda oradan 20 yil oʼtgan va uning 2 oʼgʼli ulgʼayib, 2 ta kelin tushirgan edi. Endi vaziyat almashadi. Endi Zilolaning kelinlari unga xuddi oʼzi qaynonasi Dilbar opaga qilgan hurmatsizliklarini ortigʼi bilan qaytarishadi. Zilola endi oʼzini oldinda qanday kunlar kutayotganligidan bexabar edi...